Sámediggepresideanttas lea čoahkkin Statkraftain ihttin Kárášjogas, fáddá lea Statkraft fápmohuksenplánaid birra Finnmárkkus.
Njukčamánu 19. beaivvi 2024 lea sámediggepresideanttas Silje Karine Muotkas čoahkkin Statkraftain Sámedikkis Kárášjogas. Čoahkkin lea Statkraft fápmohuksenplánaid birra Finnmárkkus, čoahkkimii lea várrejuvvon guokte diibmu.
Čoahkkima agendan leat earret eará:
Vásáhusat Fovsses. Vuogádagat ja rutiinnat olmmošvuoigatvuođaid ja earenoamážit álgoálbmotvuoigatvuođaid doahttaleapmái Norggas ja olgoriikkas. Golut duohta šiehtadallamiidda/konsultašuvnnaide/mielváikkuheapmái/oassálastimii sámi bealálaččain. KU, plánaprográmma, váikkuhusat earáid plánain (kumulatiiva) ja čielggadusgelbbolašvuohta. Gáldu: Sámediggi
