Lea Ovddadusbellodat mii ovddida evttohusa lonohallat historjjálaš dávviriid riikarájáid rastá. Davviriikkaid ráđđi doarju dan.
Ovddádusbellodagas oaivvildit ahte livččii dehálaš oažžut ruoktot Norgga báikkálaš identitehtamearkkaid.
– Dat lea hui dehálaš min báikkálaš identitehtii. Lea illudahtti go dál mii sáhttit oažžut Bergena gávpotseailla ruoktot fas, lohká Ovddádusbellodaga joavkku jođiheaddji Davviriikkaid Ráđis, Silje Hjemdal.
Hjemdal lohká evttohusa váikkuhit dasa ahte Davviriikkaid olbmot ohppet eanet iežaset kulturdávviriid birra. Son čujuha earet eará dasa go sámi rumbu máhcahuvvui Københámmanis Sámiid Vuorká Dávvirat museii Kárášjohkii.
– Mun vásihin ahte Danmárkku eiseválddit ja museat vuolggasajis leat positiivvat luoikat, nu ahte maiddái Norgga eiseválddit čuovvolit dan. Danne lea dehálaš oažžut veahki eiseválddiin miehtá Davviriikkaid, dadjá stuorradiggeáirras Helge André Njåstad (Ovddádusbellodat).
Davviriikkaid Ráđđi lea ovttasbargoforum parlamentarihkkáriidda miehtá Davviriikkaid.
(NTB)
