Ođđaseamos oppalašgeahčastat čájeha ahte 141 524 ruoššaluosa leat váldon bivdogilláriiguin sihke Romssas ja Finnmárkkus ja lullelis.
Oarddojogas, Finnmárkkus, leat maŋemus vahkku garrasit áŋgiruššan oažžut nuhtiin ruoššaluosaid. Doppe leat leamaš máŋga duhát ruoššaluosa njárgga vuolábealde.
Golmma geardde leat báikki olbmot čohkken 20 gitta 30 olbmo veahkkálasbargojovkui čađahit nuohttuma, ja oktiibuot leat goddán 17 753 ruoššaluosa dušše nuohttumiin, dieđiha Romssa ja Finnmárkku stáhtahálddašeaddji iežaset neahttasiiddus.
