Kárášjogas ja badjel 30 eará báikkis registrerejedje temperatuvraolahusaid mannan vahkkoloahpa.
Mannan vahkkoloahpa olahedje badjel 30 báikkis temperatuvraolahusa čakčamánus ovddas. Lieggasat ledje sihke Davvi-Norggas ja Mátta-Norggas.
Nedre Eggedalas, Sigdala suohkanis mihtidedje 28,6 gráda, ja nu liekkas ii leamaš goassege Norggas čakčamánus, dieđiha Meteorologalaš instituhtta.
Ođđa temperatuvraolahusat mihtiduvvo maiddái dáid báikkiin: Stavangeris (27,5 gráda), Trysilis (25,1 gráda), Strynas (25,1 gráda), Åfjordas (25,2 gráda), Geilos (24 gráda), Rørvik girdihápmanis (23,8 gráda), Kárášjogas (23,3 gráda), Vågslidas (22,8 gráda), Hekkingen fyras (22,4 gráda) ja Honnesvágis (18,9 gráda).
Meteorologalaš instituhtta dieđiha ahte muhtin dálkestašuvnnain eai leat mihtidan temperatuvrraid go 20 jagi, eará sajiin leat mihtidan temperatuvrraid 1920-logu rájes.
(©NTB)
