Lávvordaga njukčamánu 23. b. lea 18. geardde go máilbmi čájeha iežas áŋgiruššama dálkkádaga ja luonddu ovddas Earth Hour čalmmustahttimiin.
Diibmá addojuvvojedje eanet go 410 000 diimmu eatnamii badjel 190 riikkas, ja dán jagi doaivu WWF Máilmmi Luonddufoanda ahte addit vel eanet diimmuid.
– Buohkat sáhttet searvat Earth Hourii. Addit diimmu eatnamii sáhttá leat jáddadit čuovggaid, váccašit luonddus dahje ráhkadit ceavzilis borramuša maid juogadat earáiguin, dadjá WWF Máilmmi luonddufoandda váldočálli Karoline Andaur.
WWF sávvá ahte nu olusat go vejolaš miehtá riikka servet dán jagi Earth Hourii čájehan dihtii ráđđehussii ahte 2024 ferte šaddat konkrehta doaibmabijuid -jahkin.
– Ii leat sáhka dušše čuovggaid jáddadeamis. Go olbmot servet Earth Hourii, de sáddejit čielga dieđu min politihkkáriidda ahte mii leat ovttas ja gáibidit ahte sánit rievdaduvvojit konkrehta doaibman, dadjá Andaur.
