Dál besset sii geat leat váldán vuosttaš boahkkodosa unnimusat 21 beaivvi áigi oažžut nuppi boahkkodosa Álttás.
Dan barget ovttasráđiid Álbmotdearvvašvuođainstituhtain. Lea gávnnahuvvon ja mearriduvvon ahte vuosttaš dosa lea fállojuvvon buohkaide geat leat badjel 18 jagi, ja nu sáhttet dál fállagoahtit nuppi dosa vahkku ovdal plána.
Maŋimuš áiggi leamašan váttis oažžut oktavuođa olbmuiguin, ja mii fertet geavahit boahkkodosaid maid leat ožžon, dan čállá Álttá gielda preassadieđáhusas.
Jos leat guoros diimmut, de guoská fálaldat sidjiide geat leat čakčii ožžon diimmu nuppi boahkkodosii. Sin bivdet váldit oktavuođa boahkkotelefovnnain.
Dát lea juoidá maid fállet álggus dán vahkku, muhto bohtet árvvoštallat dađistaga mo viidásit. Seamma guoská drop-in boahkuheapmái, doppe maid fállat boahkuheami buohkaide geat leat badjel 18 jagi ja geat áigot vuosttaš dosa.
