Guokte jagi lea Šloahtta doallan uvssaid gitta korona geažil. Dál besset galledeaddjit fas fitnat siste.
Gávcci vahkku lea vejolaš fitnat bivnnuhis čájáhusas Šloahtas, geassemánu 25. beaivvi rájes gitta borgemánu 17. beaivái.
Dán jagi besset galledeaddjit fitnat Šloahta fiidnámus ja deháleamos lanjain, earret eará stáhtaráđđesálas, loddelanjas (fugleværelset), stuorra feastasálas ja Gonagas Haakon-lanjas.
Prinseassa Ingrid Alexandra válddalašbeaivi šaddá fáddá dán jagáš galledemiin.
Lea maid vejolaš fitnat vilges saloŋŋas mii diibmá divoduvvui ja mii dál lea oaidnit nu mo dalle lei go Šloahtta huksejuvvui 1849:s.
(©NTB)
