Erenoamážiid boarráset viesuin sáhttet olbmot vel goaivut ge muohttaga viessoseainni vuosta.
Dál rávve Informasjonskontoret for farge og interiør (IFI) ahte viessoseainni vuostá ii galgga leat muohta.
Sii čilgejit ahte viesut leat huksejuvvon nu ahte áibmu beassá jorrat vel viessoseainni siskkobeale ge. Dat doalvu njuoskaáimmu eret vai ii guohpo.
Jus ii goaivvo muohttaga eret mii lea seainni vuostá gártan, dat sáhttá daguhit juste ahte guohppu doppe, ja vel mieskkada ge seainni.
IFI rávvejit ahte jus joavgan lea viessoseainni vuostá, dan gánniha goaivut eret.
