Dálmma čearu ja Ruoŧa stáhta duopmu lea boahtán. Dálmma čearru vuittii Svea Lágamánnerievttis Ruoŧa stáda vuostá. – Stuora vuoitu buot sámiide ja sin rivttiide, dajai čearu advokáhtta Karl Larsson Svea Lágamánnerievttis Sámerádioi ja SVT Sápmái go duopmu bođii.
Dlmma čearru lei stevdnen Ruoŧa stáda go stáhta lea guhkidan boazodoallošiehtadusa jagiid 2002-2005. Čearru čuoččuha ahte stáhta lea hilgon čearu siviila rivttiid ráđđehusforpmas ja maid Eurohpákonvenšuvnna ektui.
Dálmma čearru vuittii maid Diggerievttis Ruoŧa stáda vuostá ja Svea Lágamánneriekti čuovvulii dan duomu. Ruoŧa stáhta šaddá dal máksit Dálmma čerrui 1,2 miljovnna ruvnno buhtadussan ja dasa lassin vel sihke Diggerievtti ja Svea Lágamánnerievtti diggegoluid.
Ruoŧa stáhta sáhttá dál njealji vahku siste guoddalit duomu Alimusriektái.
Nu čállá Sámeradion ja SVT Sápmi iežaset neahttasiiddus.
