Álbmotdearvvašvuođainstituhtta dieđiha sin neahttasiiddus ahte sii leat otne ovttas Norsk Helsenettain, almmuhan čovdosa gos olbmot sahttet ieža dieđihit jus várohit ahte lea koronavirus.
Dát fálaldat addá oppalašgeahčastaga gos ja geas lea koronavirus Norggas. Dán čovdosa sáhttet olbmot geain lea koronavirusa dávdamearkkat geavahit.
– Mii áigut addit dearvvašvuođaeiseválddiide buoret oppalašgeahčastaga geaidda sáhttá njommon koronavirus, ja nu de sáhttá dikšut virusa. Mii sávvat buohkat geain leat dávdamearkkat dego gosahat, feber dahje váttisvuođat vuoigŋamis, dieđihit dan, dadjá Álbmotdearvvašvuođainstituhta váldodoavttir Preben Aavitsland neahttasiidui.
