-Almmuhus-
OĐĐASAT – Dál livčče áigi duođas váldit sámegiel oahpahusa

– Dál livčče áigi duođas váldit sámegiel oahpahusa

-

-

Skolenes landsforbund jođiheaddji Anne Finborud lohká Riikkarevišuvdna lea cuigon vuođđoskuvlla sámegielfálaldagas stuorra váilevašvuođaid.

Finborud deattuha dás lea sáhka nationála unnitlogu álbmoga lágalaš vuoigatvuođaid birra.

Skolenes landsforbund (skuvllaid riikkalihtu) jođiheaddji Anne Finborud čállá fagbevegelse.no debáhtasiiddus ahte oahpahuslága mielde lea buot mánáin vuoigatvuohta oažžut sámegiel oahpahusa, beroškeahttá gos oahppi orru.

–Sámegiela hálddašanguovllus lea buot vuođđoskuvlla mánáin vuoigatvuohta oažžut oahpahusa sámegillii ja sámegielas ja olggobeale hálddašanguovllu lea vuoigatvuohta oažžut sámegielas oahpahusa. Ulbmil lágain lea nannet sápmelaččaid vuoigatvuođaid ja seailluhit sámi kultuvrra. Lea maid eiseválddiid dáhtu buhtadit dáruiduhttinpolitihka váikkuhusaid, čállá Finborud.

Riikarevisor Per Kristian Foss láitá ráđđehusa go duvdet ovddasvástádusa skuvlaeaiggádiidda:

– Ráđđehus lea duššin dahkamin ovddasvástádusa nu ahte ii oktage váldde ollislaš ovddasvástádusa áimmahuššat nationála unnitlogu álbmoga vuoigatvuođaid. 

Fágalihtus jerret man guhká áigu ráđđehus njaŋgát? Sámediggi lea rahčan oažžut sámegiela áittardeaddji ja dan doarju Skolenes landsforbund.

Eará politihkalaš hástalusaid ektui, de lea sámegiela oahpahusfálaldat konkrehta ášši. Riikkarevišuvdna lea evttohan mo sáhtášii ášši gálgat. 

- Advertisement -
-Almmuhus-