Driva ja Litldalselva leat guokte vuosttaš joga gos luossaparasihtta Gyrodactylus salaris jávkaduvvo klorain, dikšun mas guolli ii jáme.
– Kloradikšun geahččaluvvui Driva jogas diibmá. Bohtosat čájehedje ahte unnit oasit kloras go mii dábálaččat biddjo juhkančáhcái sáhttá jávkadit jámolaš luossaparasihta nu ahte guoli ii vahágahte. Mis lea stuora jáhkku ahte vuohki doaibmá go váldit atnui ollásit, dadjá direktevra Birasdirektoráhtas, Ellen Hambro.
Dikšun čázádagain dáhpáhuvvá 14 beaivvi borgemánu 10. beaivvi rájes.
