Dálkediehtubálvalus Yr viiddida bálvalusa ja lasiha áibmokvalitehta dieđuide.
Meteorologalaš instituhta dutkit dat leat ráhkadan dieđiheami, mii čájeha báikkálaš áibmonuoskkideami dálááiggis ja boahttevaš 24 diimmu.
– Modealla ovttastahttá dálkedieđáhusa ja suođđama vai rehkenastá áibmokvalitehta. Dainna lágiin sáhttit gokčat olles Norgga, nu bures ahte oaidnit guovllu mii lea 50 mehtera siste, dadjá dutki Bruce Rolstad Denby.
Áibmonuoskkideapmi lea váttisvuohta dálvet, go lea olu gavja ja nitrogenadioksiida mii nuoskkida áimmu báikkálaččat.
