Borgemánu 1. beaivvi ásahuvvo EU ortnet Norggas, ja rávdnjenbálvalusat eai sáhte bissehit norgalaččaid geahččamis go leat luomus olgoriikkas.
– Dát lea buorre ođas norgalaččaide geat liikojit filmmaide ja TV-ráidduide, dadjá Ragnar Wiik, Forbruker Europa jođiheaddji.
Rávdnjenbálvalusain dego Netflix, HBO, TV2 Sumo ja Viaplay sáhttá geahččat maid háliida, goas háliida. Dán rádjai eat leat sáhttán geahččat filmmaid ja ráidduid gos mii háliidat.
Eanaš rávdnjenbálvalusat leat ráddjejuvvon Norgii norgalaččaide.
Dat mearkkaša ahte ii leat leamašan vejolaš geahččat sisdoalu olgoriikkas.
– Dát lea njuolggadusmearrádus man guhká leat vuordán, ja man norgga geavaheaddjit bohtet návddašit, dadjá Wiik.
