Álttá dáiddasearvi illuda čájehišgoahtit Elle Hánssa dahje Hans Ragnar Mathisena čájáhusa dán vahkku.
Dán čájáhusa «Dáiddabarggut- dáiddabarggus eallit» rahpet guovvamánu 4. beaivvi almmolaš rahpandoaluin diibmu 13.00. Dan rahpá girječálli ja dáiddár Susanne Hætta, gii lea earret eará čállán Máze-joavkku birra, man Elle Hánsa lei fárus álggaheame.
Hans Ragnar Mathisen dáidá leat eanemus dovddus iežas sárgojuvvon sámi kárttaiguin, ja olu finnmárkulaččat leat bajásšaddan su dáidagiin seainnis.
– Álttás eai leat guhkes áigái beassan geahčadit Elle Hánssa dáidagiid čájáhusain, ja Álttá Dáiddasearvi lea movttet go viimmat besset čájehit álbmogii su dáidagiid, čállá Álttá dáiddasearvi preassadieđáhusas.
