Dán geasi Conifa čiekčamiin galgá Sápmi čiekčat álgovuorus deaivvadit Panjab ja Somaliland vuostá.
Otne lei vuorbádeapmi movt galget čiekčat Conifa Máilmmi meašttirgilvvuin spábbačiekčamis dahje World Football Cup. Sápmi oassálastá čiekčamiin mat lágiduvvut dán jagi Abkhasias, miessemánu 28. beaivvi rájes geassemánu 5. beaivvi rádjái.
Conifa presideantta Per Olof Blind jođihii vuorbádeami ja joavkkut juhkkojuvvo njealljii jovkui dáinnalágiin:
Joavku A
Abkhazia
Chagos Islands
Western Armenia
Joavku B
Kurdistan
Szekelyföld
United Koreans in Japan
Joavku C
Northern Cyprus
Romani People
Raetia
Joavku D
Panjab
FA Sápmi
Somaliland
