Hámmárfeastta mearrabodni lea nuoskkiduvvon birasmirkkuiguin – dál ožžot ruđa buhtisteapmái.
Birasdirektoráhtta dieđiha preassadieđáhusa bokte ahte Hámmárfeastta suohkanii juolluduvvo ruhta nuoskkideami dihte. Oktiibuot ožžot 134 miljovnna ruvnnu buhtisteapmái.
Hámmárfeastta suohkan ja Hammerfest Havn KF galget ovttasráđiid Riddodoaimmahagain čorget mearrabotni. Ovttasbargoprošeavttas leat sihke buhtistanbarggut, ođđa káija prošeakta ja fanasjohtingeaidnobarggut.
– Buhtistemiin šaddá buhtis mearrabodni Hámmárfeastta hápmanbáikkis. Birasmirkkot eai galgga šat olámuttos olbmuide ja birrasii. Áiggi mielde galgá maid vejolaš borrat mearrabiepmu báikkis, lohká Birasdirektoráhta direktevra, Ellen Hambro preassadieđáhusas.
