Zorro-vuođđudusa jođiheaddji lohká stáhta lobihemiid bargan go leat muhtun boazodolliide mearridan boazologu nu vulos ahte bággehallet heaitit.
Zorro-vuođđudusa jođiheaddji lohká stáhta lobihemiid bargan go leat muhtun boazodolliide mearridan boazologu nu vulos ahte bággehallet heaitit.
– Nu go gulan, de lea stáhta čielgasit lobihuššan, go dahket mearrádusaid mat mielddisbuktet ahte muhtun šaddá heaitit bohccuiguin. Dán oktavuođas leat bidjan boazologu nu vulos ahte eaiggát ii oainne šat eará vejolašvuođaid eambbo bákkus heaitit, lohká Zorro-vuođđudusa jođiheaddji, advokáhtta Anja Jonassen Nils Mathis A. Skum birra, guhte lea šaddan njuovvat olles ealu boazologugeahpedeami geažil.
Jonassen lohká ahte Skum ášši čájeha justte dan masá boazodoalus lea eanemus dárbu justte dál, nammalassi riektesihkarvuohta.
Son lohká ahte diet ášši čájeha ja duođašta ahte lea duođai dárbu čielggadit olu dain áššiin dikkis.
– Go eiseválddit eai oainne dan boasttuvuođa, de ferte oažžut duopmostuolu árvvoštallat ja čilget áššiid, lohká son.