Ingá Márjá Sarre lágida filbmaneaktinkurssa nuoraide. Dán vuoru lea kursa Guovdageainnus ja Internationála Filbmainstituhtta lea ruhtadan prošeavtta.
Ingá Márjá Sarre lágida filbmaneaktinkurssa nuoraide. Dán vuoru lea kursa Guovdageainnus ja Internationála Filbmainstituhtta lea ruhtadan prošeavtta.
Neavttár ja neavttárbagadalli Ingá Márjá Sarre lágida filbmaneaktinkurssa gaskal 15- ja 30-jahkásaš nuoraide. Vuođđun kursii lea Chubbuck teknihkka.
Kurssat lágiduvvojit máŋgga sajis Sámis ja dál lea ge Guovdageainnus álgime kursa, mii bistá máŋgga vahkku.
Sarre čállá ahte Chubbuck Sápmi lea kursafálaldat vuosttažettiin nuoraide, muhto sáhttá maiddái leat ávkkálaš earáide jus háliida bargat filmma mánusčállin dahje bagadallin.
Váldogiellan bargobajis lea davvisámegiella.
Inspireret nuoraid šaddat sámi filbmaneavttárin
Kurssa mihttu lea oahpahit, inspireret ja addit buori vuođu nuoraide geat háliidit šaddat sámi filbmaneavttárin.
Kursa lea huksejuvvon Ivana Chubbuck neavttárhárjehallama vuođul mas leat 12 oasi.
Teknihkas beassá dutkat movt persovnnalaš eallinvásáhusain sáhttá hábmet čiekŋalis ja vuđolaš rolla.
Oahppan Chubbuck bagadalli
Inga Márjá Sarre lea Chubbuck bagadalli ja son lea ge váldán oahpu Ivana Chubbuck studios Los Angelesas 2017 geasi.
Chubbuck lea dovddus neavttárbagadalli Hollywoodas ja lea maid čállán girjji «The power of the Actor».
Chubbuck teknihkka hábme ođđaáigásaš neavttárdovddaheami mii heive bures filbma- ja TV-neaktimii.
