-Almmuhus-
-Almmuhus-
KULTUVRACeggejit Elsa Laula Renberg bácci

Ceggejit Elsa Laula Renberg bácci

-

-

Sámediggi ja Nordlándda fylkkaráđđi juolludit 175 000 ruvnno goabbáge, cegget govvabácci sámi pionearas Elsa Laula Renbergas Mussirii.

Bázzi lea oassin prošeavttas «Nissonbáccit Vápstes». Prošeavtta sáhttá dál duohtan dahkat go sihke Sámediggi ja Nordlándda fylkkasuohkan addá ruhtadoarjaga prošektii.

 

Gudnejahttá

– Mun oaivvildan ahte prošeakta gudnejahttá stuora sámi pioneara, čuođi jagi maŋŋel go doaimmahii barggu man mii ain muitit; vuosttaš sámi riikačoahkkin Troandimis. Konstruktiivvalaš ovttasbargu ovttas Nordlándda fylkkasuohkaniin buktá dál vejolašvuođa doarjut ruđalaččat dán doaimma. Lean hui ilus go ášši dál čoavdása, dadjá sámediggeráđđi Henrik Olsen.

 

Nordlándda fylkkasuohkana ruđalaš oassi duohtan dahká prošeavtta

– Mun oainnán gudnin leat mielde gudnejahttime Elsa. Sihke danne go lea dovddus pioneara sámiid rivttiid barggu ovddas, muhto maiddái go son lei nissonolmmoš gii olahii ollu áiggis go sápmelaččaid ja nissonolbmuid eai váldán nu duođas servvodatdigaštallamis, lohká Nordlándda fylkkasuohkana ekonomiija fylkkaráđđi Knut Petter Torgersen (Bb).

 

-Almmuhus-