-Almmuhus-
-Almmuhus-
OĐĐASAT Čájehit oanehis­filmmaid Oslo Sámi viesus

Čájehit oanehis­filmmaid Oslo Sámi viesus

-

-

Oslo Sámiid Searvi ja Sámi viessu bovdejit filbmačájálmassii skábmamánu 14. beaivvi.

Oslo Sámi viesus čájehit guhtta oanehis filmma dii 18:30. Uvssat rahppojit dii 18:00. Sisabeassan lea nuvttá. Filmmat maid čájehit:

Giksašuvvon ealli, Egil Pedersena filbma

Áhči ja 9-jahkásaš nieiddaža oktavuohta lea lahka ja stullalas. Eadni lea buohcan guhkes áiggi, muhto dan birra eaba huma. Sudno oktavuohta rievdá go nieiddaš gohčču veahki su skihpá beatnagii.

Áile ja Áhkku, Silja Somby filbma

Áhkku nevvoda Áile luonddu fámuid ja dálkkodeami birra, muhto go Áile čiegusvuohta ihtá, de maid boltasa áhku suollemasvuohta, ja Áile šaddá dorvvastit iežas fámuide – sáhttá go son gádjut sudno oktavuođa?

Ellos Sápmi, Per-Josef Idivuoma filbma

Ellos Sápmi lea muitalus Klemeta birra, nissonolbmuid niehku ja dievdduid láidesteaddji, ja movt su váldi jorgaluvvo su iežas vuostá. Álás hippi-rivgut, bombbat ja iešguđetlágán márffit láidestit dán imaš, muhto suohtas muitalusa dan vuosttaš Sámedikki ceggemis. Ellos Sápmi govvida stuora sámepolitihkalaš dáhpáhusa, ja muitalusa. Mielčálli Niillas A. Somby lohká ge dán muitalusa leat dan mii duođas dáhpáhuvai.

Boom boom (2018) , Per-Josef Idivuoma filbma

Oanehisfilmma vuođđun lea guovtti sápmelačča rolla 2. máilmmisoađi áigge Davvi-Ruoŧas Norgga rájás. Guođoheaddjeguovttos sorroba várálaš válddástallamii duiskalaččaid vuostá. Sudno plána ii mana ge áibbas nu go galggai go fuobmába ahte áššit eai lean ge nu go doaivvuiga.

Nieiddaš ja guollečikŋa, Egil Pedersena filbma 

Unna nieiddaš hervvoša áhččerohkis ja áibbaša su. Nieiddaš deaivvada soaittáhagas márkanis geainna nu ja deaivvadeapmi čuohcá su dovdduide.

Gumpe, Ken Are Bongo filbma

Gumpe lea álohii leamašan váralaš bivdi ellui, muhto dál lea okta ođđalágan bivdi mii áitá ealu.

- Advertisement -
-Almmuhus-