Dovddus álgoálbmotpolitihkkár Guatemálas eret, Maria Canil Grave váccii njunnošis spáiddarvázzinráiddus Kárášjogas odne.
Skábmamánu 25. Beaivi lea riikkaidgaskasaš beaivi veahkaválddi jávkadeamis nissoniid vuostá. Dán oktavuođas lea dovddus álgoálbmotpolitihkkár Guatemálas eret, Maria Canil Grave galledeamin Sámedikkis.
Canil Grave lea vuođđudeaddji leaskaorganisašuvnnas Conavigua Guatemálas, ja lea dál nubbinjođiheaddji seamma organisašuvnnas. Son lea leamaš guovddážis soabadanproseassain gaskal Guatemála álgoálbmogiid ja eiseválddiid. Son lea maid bargan vuođđudusas Rigoberta Menchú Tum.
Spáddarvázzin
Odne searvvaiga Maria Canil Grave ja sámediggepresideanta Aili Keskitalo beassespáiddarvázzimii Kárášjogas. Spáiddarvázzin vulggii Sámi joatkkaskuvlla luhtte ja manai Sámediggái ja márkanšiljus Kárášjogas dollojuvvui apealla.
Geahča video ja govaid spáiddarvázzimis!
