Dán jagáš 10. luohká ohppiin lea gaskamearalaš árvosátni 3,8 eaŋgalasgieleksámenis. Dat lea 0,3 árvosáni alit go mii diibmá lei.
Dál leat almmuhuvvon vuođđoskuvllaid ja joatkkaskuvllaid giđa bohtosat. Leat smávva erohusat diimmá rájes, muhto stuorámus erohus eaŋgalasgieleksámeniid bohtosiin 10. luohká dásis, ja matematihkka prográmmafágas joatkkaskuvlla dásis.
Buorit bohtosat
Dán jagáš 10. luohkká leat olahan buriid bohtosiid eaŋgalasgieleksámenis ja ožžot alit gaskamearálaš árvosáni dán jagi go diibmá.
– Eat dieđe sihkkarit mii lea sivvan dasa ahte gaskamearálaš árvosánit leat buorebut dán jagi go diibmá, muhto mii oaidnit ahte olu oahppit leat vástidan bures bargobihtáin.
Dán jagáš fáddá lei movt mii gulahallat sihke online ja offline. Čájehuvvui ahte dá lei fáddá man birra olu oahppit máhtte, dadjá oahppodirektorahta ossodatdirektevra Hedda Huse.
Dál leat maid unnit oahppit geat ožžot árvosániid 1 ja 2.
– Midjiide lea dehálaš ahte eksámenat galget addit buot ohppiide, beroškeahttá makkár dásis leat, vejolašvuođa čájehit maid máhttet, dadjá Huse.
Buoret árvosánit matematihkas
Matematihka eksámenbohtosat vuođđoskuvllas čájehit ahte unnit oahppit ožžot árvosáni 1 dahje 2 buohtastahttojuvvon diimmážiin. Lea njiedjan 29% gitta 23%.
– Dá leat buorit ođđasat. Ráđđehus lea bargan olu buoridit rehkenastima ja matematihka skuvllain, ja dát bohtosat čájehit ahte manná rievttes guvlui. Seammás go fertet bargat dan badjelii, ahte vel unnit oahppit ožžot daid heajumus árvosániid, go dát oahppit bohtet rahčat nagodit ceavzit joatkkaskuvlla ja birgehallat bargoeallimis, dadjá oahppoministtar Torbjørn Røe Isaksen.
Buorránan árvosánit matematihkka prográmmafágas
Joatkkaskuvlla dásis leat smávva rievdadusat dán jagáš gaskamearálaš árvosániin.
Matematihkka prográmmafágas lea dán rádjái gaskamearálašárvosátni 0,4 árvosátnepoeaŋŋa alit go diibmá lei.
– Eat dieđe leat go dán jagáš oahppit čeahpibut go diimmá, vai leat go eksámenbargobihtát váddásat, dadjá Huse.
