Ávjovári Johttisápmelaččaid listu bovde boazoealáhusa čoahkkimii digaštallat ja kommenteret Duohtavuođa- ja soabahankommišuvnna raportta.
– Ávjovári Johttisápmelaččaid listu oaidná dárbbu ja háliida gullat Guovdageainnu boazosápmelaččain ja Kárášjoga ja Porsáŋggu badjeolbmuin maid sii oaivvildit Duohtavuođa- ja seanadankommišuvnna raportta birra boazoealáhussii dáfus, čállá Ávjovári Johttisápmelaččaid listtu parlamentáralaš jođiheaddji John Mathis Utsi preassadieđáhusas.
John Máhtte Utsi čilge ahte dat oasit mat gusket dáid guovlluid boazodollui presenterejuvvojit čoahkkimis ovdalgo lágidit ságastallama. Utsi lohká ahte lea erenoamáš dehálaš geahčadit guđiin áššiin dárbbašit dutkama ja ođđa dieđuid.
Čoahkkimis lea maid vejolaš muitalit iežas vásáhusaid birra das movt dáruiduhttin lea váikkuhan ja buktit oaiviliid makkár doaimmaid galggašii bidjat johtui buhtadan dihte dáruiduhttima váikkuhusaid.
Guovdageainnus lea čoahkkin lávvordaga guovvamánu 3. beaivvi Les-viesus ja Kárášjogas sotnabeaivvi guovvamánu 4. beaivvi servodatviesus.
