FeFo bovde báikkálaš geavaheddjiid ja eará berošteddjiid álbmotčoahkkimii ságastit Leavnnjajoga hálddašeami birra.
Lihttoláigošiehtadusa rihkkun Leavnnjajogas galgá leat sivvan go Finnmárkkuopmodat (FeFo) lea heaittihan kontrávtta Leavnnjajoga eanaoamastaneaiggátservviin (LGF) dakkaviđe. Dál áigu FeFo álgovuorus ieš hálddašit joga, ja dál bovdejit geavaheddjiid ja eará berošteddjiid álbmotčoahkkimii ságastit Leavnnjajoga hálddašeami birra.
Lihttoláigonjuolggadusaid maid ferte čuovvut
Álbmotčoahkkin lea skábmamánu 2. beaivvi kultursálaš Porsáŋggu gielddas. FeFo áigu muitalit koartavuovdima, oaggunnjuolggadusaid, oaggunbáikkiid ja eará áššiid birra, mat leat guoskevaččat Leavnnjajoga geavaheddjiide boahtte áigodaga.
– Mii ávžžuhat guolásteddjiid, ealáhusaid, eanaeaiggádiid ja earáid geain leat oaivilat Leavnnjajoga hálddašeapmái searvat čoahkkimii. Mii hupmat maid Finnmárkolága, lihttoláigonjuolggadusaid maid mii fertet čuovvut ja geatnegahtton organiserema birra, čállá FeFo preassadieđáhusas..