Artista Kajsa Balto almmuha «O Bassi Idja» juovlalávlaga ovttas Kringkastingsorkesteriin (KORK). Seammás bovde historjjálaš konsertii mii čuojahuvvo Operas boahtte jagi.
Musihkkaárvvoštalliid jiellat Kajsa Balto almmuha «O Bassi Idja – O Holy Night» juovlalávlaga ovttas KORK:in skábmamánu 17. beaivvi.
Seammás muitaluvvo preassadieđáhusas ahte Kajsa Balto ja KORK čuojahit historjjá vuosttaš sámi juovlakonseartta Norgga Opera viesus juovlamánu 1. beaivvi 2024:s. Juovlakonsertii leat jo vuovdigoahtán bileahtaid.
– Dát konsearta lea stuorámus prošeakta mainna lean bargan. Go KORK lea mielde, de dovddan ahte sámi juovlamusihkka loktana áibbas ođđa musihkalaš dássái. Šaddá erenomáš olahus máŋgga láhkai. Mun nu illudan, dadjá Balto.
