Sámi organisašuvdna Garmeres lea okta golbmasis mat sáhttet vuoitit bálkkašumi.
Dán jagaš Skamløsprisen bálkkašupmefinálii lea sámi organisašuvdna Garmeres beassan, fárrolaga guvttiin earáin finalisttain, Kaveh Rashidiin ja Sultan Hadaddeeniin.
Sex og samfunn guovddáža Skamløsprisen lea bálkkašupmi mas ulbmil lea jávkadit heabu seksualitehtafáttáin.
Bálkkašupmi geigejuvvo juogo ovttaskas olbmui, organisašuvdnii dahje jovkui geat barget fáddáloktemiin ja heahpojávkademiin.
Addá buori dovddu
Garmeres organisašuvdna leat ásahan ja ráhkadan bonju sápmelaččat bonju sápmelaččaide, ja lea vuolggahuvvon Saepmie Pride/Sápmi Prides. Organisašuvdna bargá rabasvuođain ja gullevašvuođain sohkabeal- ja seksualitehtanorpmaid hárrái minoritehtaservodagas.
– Dát addá buori dovddu juste dál. Lea stuorra gudni beassat evttohassan, vuittežat go vai eat, lohká Garmeres organisašuvnna jođiheaddji Elisabeth Stubberud NRK Sápmái.
