(NTB-AFP): Oktiibuot 43 olbmo leat jápmán terrordaguid dihte mat dáhpáhuvve Brusselis odne iđđedis, čállá Het Nieuwsblad. Jápminlohku ii leat almmolaččat duođaštuvvon.
(NTB-AFP): Oktiibuot 43 olbmo leat jápmán terrordaguid dihte mat dáhpáhuvve Brusselis odne iđđedis, čállá Het Nieuwsblad. Jápminlohku ii leat almmolaččat duođaštuvvon.
Brussela Zaventem girdišiljus bávkkehedje odne iđđes ovdalaš gávcci guokte bombba, ja das maŋŋelaš bávkkehii vel bomba Metros mii lea togajohtingeaidnu eatnan vuolde Brussela gávpogis. Oktiibuot 43 olbmo leat duššan terrordaguin, čállá Het Nieuwsblad geat leat ožžon politiijagáldus dieđuid. Lohku ii leat vel almmolaččat duođaštuvvon. Dan 43 olbmos jápme 13:s girdišilljus ja 30:s jápme Metros. Buollinčáskadeaddjit leat dieđihan 21 olbmo jápmán dan guovtti terrorfalleheamis. Dilli ii leat vel čielggas, eai ge dieđe vel galle olbmo leat duššan.
Norga maid čavge sihkarvuođa
Oslo politiijat maid bidjet doaimmaid johtui maŋŋel terrorfalleheami Brusselis.
– Mii eat hálit muitalit konkrehta maid mii bargat, muitala Oslo politiijaguovllu kommunikašuvdnaossodagas Roar Hanssen NTB:i.
Vearjudit anke
Eske ii leat boahtán diehtu vearjudit politiijaid, muhto Oslo politiijaid operašuvdnajođiheaddji Gjermund Stokkeli muitala TV2ii ahte Politiija lea mearridan dál vearjudit buot politiijabálvvaid Oslos.
– Mii ovttasbargat eará áššáigullevaš ossodagaiguin ja čuovvut dárkilit dán dili, dadjá Hanssen.
Politiijaid Sihkarvuohtabálvalus (PST) muitala NTBii ahte terrorfalleheamit eai leat áittan Norgii, muhto dat sáhttá jođánit rievdat. (©NTB)
