-Almmuhus-
-Almmuhus-
OĐĐASATBoine ja Kåven gilva­leaba MGP oasse­finálas

Boine ja Kåven gilva­leaba MGP oasse­finálas

-

-

Davvi-Norgga oassefinálas galget maŋimuš finálabileahtat juhkkot. Guokte sámi artistta leaba mielde gilvaleamen dan badjel. 

Vuossárgga almmuhii Grand Prix njeallje maŋimuš oasseváldi geat galget gilvalit Grand Prix finálabilleahta badjel lávvordaga guovvamánu 8. beaivvi.  Liza Vassilieva, Kevin Boine, Elin & The Woods ja Jenny Jenssen. Sii ovddastit Davvi-Norgga. Dušše okta sis beassá viidásat finálii mii lea Troanddimis guovvamánu 15. beaivvi.

Elin Kåven iežas joavkkuin Elin & The Woods lea gearggus gilvalit finalabileahtta badjel. Vuorkkágovva
Elin Kåven iežas joavkkuin Elin & The Woods lea gearggus gilvalit finalabileahtta badjel. Vuorkkágovva

Lávlagat maiguin oasálastet leat gullamis gaskaija rájes, guovvamánu 4. beaivvi

Dá lea oassálastiid namat ja lávlagat: 

Elin & The Woods: «We Are As One”

Čálus ja šuokŋa: Robin Lynch, Elin Koven, Ylva Persson ja Linda Persson

Kevin Boine: «Stem på mæ»

Čálus ja šuokŋa: Henning Olerud ja Stanley Ferdinandez

Jenny Jenssen: «Mr. Hello»

Čálus ja šuokŋa: Mats Larsson, Jørgen Andson ja Jenny Jenssen

Liza Vassilieva: «I Am Gay»

Čálus ja šuokŋa: Audun Agnar Guldbrandsen, Stian Nyhammer Olsen, Myrtoula Røe ja Liza Vassilieva

Dasa lassin galgá Tone Damli oassálastit Davvi-Norgga oassefinála gilvvus. Son lea okta dain gii ovdalgihtii lea kvalifiserejuvvon gilvaleaddjin. Guovvamánu 7. beaivvi son almmuha lávlaga «Hurts sometimes».

Kvalifiseren viidásat

Guhtta artistta ja lávlaga leat kvalifiseren ovddalgihtii dán jagáš MGP-gilvvuide.  Sii leat:  Didrik & Emil, Ulrikke Brandstorp,  Akuvi , Sondrey, Tone Damli ja Kim Rysstad.

Riikosiin

MGP lea juhkkon viđa riikkaoassái, Lulli-, Nuorta-, Gaska-, Oarje- ja Davvi-Norga. Obbalaččat gilvalit 25 artistta gilvvuin. Vahkku ovdal juohke oassefinála almmuhuvvojit dan vahkkoloahpa oassálastiid namat. Davvi-Norgga oassálastit galget lávdái guovvamánu 8. beaivvi. Sin namat almmuhuvvojit guovvamánu 3. beaivvi.

-Almmuhus-