Skábmamánu 17. beaivvi almmuha Elin & The Woods (Elin Kåven ja Robin Lynch) ođđa lávlaga. Dán háve leaba ovttasbargan Jörgen Stenbergain.
– Jörgen Stenbergas lea nu lunddolaš ja vuogas vuohki mo juoigá, ja dat doalvu min doložii. Lea dego min álgoolbmo gapmu mii moriha, muitaleaba Elin Kåven og Robin Lynch preassadieđáhusas.
Jørgen Stenberg dadjá su mielas lea leamaš hui somá leat mielde dákkár ovttasbarggus, ja ahte su mielas šattai hui erenoamáš jietnagovva go su luohti seaguhuvvui elektrovnnalaš musihkain.
– Munno Elina jienat heivejit hui bures oktii. Dán lávlagis šattai juoga erenoamáš, dadjá son.
– Albmeravda lea jaskes luohti mii heive hui bures dán sevdnjes áigodahkii, gos luondu oađđá. Ja váikko livččii ge guhká dassážii, de mii leat jo álgán niegadit dan birra mii boahta giđđat … Maid albmeravda midjiide čájeha, dadjá Kåven.
