-Almmuhus-
-Almmuhus-
SMÁVVAOĐĐASATBoahku­huvvon olbmot eai dárbbaš erren­hotellii

Boahku­huvvon olbmot eai dárbbaš erren­hotellii

-

-

Duorastaga diibmu 12 rájes eai dárbbaš boahkuhuvvon olbmot orrut errenhoteallas go bohtet Norgii, muhto sáhttet čađahit errema ruovttus.

Dat gaskaboddosaš ortnet guoská duorastaga diibmu 12 rájes ja bistá dassá go sertifikáhtka QR-kodain ordnašuvvá, dieđiha dearvvašvuođaministtar, Bent Høie (Olgeš) gaskavahkku preassakonferánssas.

Ortnet sisttisdoallá ahte sáhttá čađahit errema ruovttus dahje eará heivehuvvon sajis, jus sáhttá duođaštit helsenorge.no neahttasiiddus ahte lea ollásit boahkuhuvvon, ahte lea ožžon vuosttaš dosa gaskal 3 ja 15 vahkku áigi, dahje jus lea leamaš covid-19 njoammun maŋimuš guđa mánus.

– Báberčálus dahje eará dokumentašuvdna eará riikkain ii leat dohkálaš, ja de ferte errenhotellii, dadjá justiisa- ja gearggusvuođaministtar Monica Mæland (Olgeš).

Sii, geat leat errenhoteallas ja sáhttet duođaštit ahte leat boahkuhuvvon dahje ahte sis leamaš njoammun, besset duorastaga rájes ruovttus čađahit reastta erremis.

-Almmuhus-