Ovddeš NRK-hoavda Hans-Tore Bjerkaas lea nammaduvvon duopmárin Finnmárkku Meahcceduopmostullui.
Ovddeš NRK-hoavda Hans-Tore Bjerkaas lea nammaduvvon duopmárin Finnmárkku Meahcceduopmostullui.
Bjerkaasas ii leat duopmárduogáš ii ge juridihkalaš oahppu, muhto galgá dál bargat dán duopmostuolus duopmárin, čállá Finansavisen.
– Ii mus leat duopmárvásáhus, muhto lean leamaš máŋgii dikkis dan oktavuođas go ledje redaktevra NRK:s, dadjá Bjerkaas. Su bargun šaddá dál daiguin eará miellahtuiguin searválaga mearridit vuoigatvuohtanákkuid Finnmárkkus, vuoigatvuođaid maid olbmot oamastit guhkit áigge geavaheami bokte.
Lohká heivet bures
Meahcceduopmostuolu miellahttu, lágaduopmár Nils Asbjørn Engstad jáhkká Bjerkaasa heivet bures ámmáhii.
– Sus lea nanu gelbbolašvuohta ja servvodatmáhttu. Jáhkán son birge bures, dadjá Engstad.
Bjerkaas lei ohcan dán ámmáhii maŋŋel go heittii NRK:s 2013. Dalle hilgojuvvui ohcamuš, muhto dál lea meahcceduopmostuollu fállan sutnje dán sadjášbargun.
(Gáldu: NTB)
