Sámi bivttasmearka «Gobmi» čájehuvvo Oslo Runwayas dán jagi borgemánus.
Oslo Runway bistá borgemánu 14. beaivvis 19. beaivvi rádjái, mii lea dehálaš báiki gos čájehit biktasiid ja hábmema Norggas.
Leat sihke rabas ja gitta doalut, ja «Gobmi» čájehuvvo rabas doaluin Talent Showroomas ovttas Eigenbrötler, Margareth Abeshu, Tarini ja 2 Much Pressure mearkkaiguin.
Leaba oappážagat Live Moen Johannessen ja Hanna Moen Reinsnes, Álttás eret, geat leaba ráhkadan bivttasmearkka.
– Ean lean goassege jáhkkit ahte dát galggai oažžut nu olu fuomášumi ná oanehaš áiggis. Lea hirbmat gelddolaš oaidnit ahte sámi hábmemii ja designii lea nu stuorra beroštupmi, čállá Hanna NRK:i preassadieđáhusas.
