Guovdageainnu suohkan bivdá álbmogii evttohit geasa galggašii geigejuvvot áŋgirdeaddjerápmi.
Guovdageainnu suohkan lea 2011 rájes geigen áŋgirdeaddjerámi olbmui gii bargá eaktodáhtolaččat Guovdageainnu servodagas.
– Dán jagi galgat maid dahkat dan, ja dan dihte dárbbašit dis evttohusaid, ahte gii ánssášivččii oažžut dan fuomášumi dál. Mii háliidit evttohusaid oažžut nu fargga go vejolaš, ja maŋemusat miessemánu 1. beaivvi. Sáddes áinnas e-boastta mielde, čállá Guovdageainnu suohkan suohkana neahttasiiddus. Neahttasiiddus gávnnat njuolggadusaid mat gusket áŋgirdeaddjerápmái.
