Ii okta ge roasmmehuvvan go biillain vujii badjelluotta Čieŋalluovttas, Gáivuona suohkanis.
Gaskavahkku iđida dieđiha Romssa politiijaguovlu ahte E6 geainnus Čieŋalluovttas, Gáivuona suohkanis leamaš johtolatlihkohisvuohta.
– Muhtun lea biillain vuodján badjelluotta. Politiijat leamaš báikkis čađaheamen guorahallamiid ja gažadeamen biilavuoddji. Biilavuoddji ii leat roasmmehuvvan, son ii masse vuodjenlobi ja áigu ieš ordnet biilagádjuma, muitaluvvo politiijaloggas X/Twitteris.