Biilaeaiggát guđii biilla johtui go ieš manai fitnat bensinstašuvnnas.
Muhtun biilaeaiggát dieđihii duorastat iđit biillas suoláduvvon go lei ieš fitname bensinstašuvnnas. Biilii bázii nissonolmmoš ja su beana.
Dán birra dieđihii politiija duorastaga iđđesija maŋŋel go biila lei fas gávdnon.
Manai bures sihke nissonolbmuin ja beatnagiin, ja lei biilaeaiggát ieš gii gávnnai biilla. Politiijat várohit ovtta eará nissonolbmo suoládan biilla ja vuodján gárrenvuođas.
– Lihkkus manai bures, muhto ii sáhte doarvái dávjá dadjat; ále guođe biilla johtui go ieš manat gosage, dadjá Nordlándda politiijaguovllu operašunjođiheaddji Ivar Bo Nilsson.
Sihke biilaeaiggát, mielčuovvu ja várohuvvon nissonolmmoš leat 20-jagiin.
