Mannan ija dáhpáhusat Finnmárkkus:
Mannan ija ožžo politiijat dieđu ahte biila bulii lahka ovtta priváhtaviesu Álttás.
Dollačáskadeaddjit leat čáskadan biilabuollima ja viessoeaiggát lea sáddejuvvon dearvvasvuođaguovddážii iskamiidda, dieđihit politiijat.
Hášša gávdne feasttas
Seamma ija ožžo politiijat dieđu ahte lei feastariedja ovtta priváhtaviesus Álttás.
– Báikkis gávdnui moadde grámma hášša ja guokte olbmo leat áššáiduhtton rihkkun narkotihkkalága, dieđihit Finnmárkku politiijat Twitteris.
