Ovddasguvlui sáhttá Gilde biergodáigi ruškkodit ivnni dáfus. Sivvan dasa lea go Nortura lasihastá biergodáigái jikŋon bierggu.
– Mii áigut oanehis áigodagas, goas ii leat nu álki fidnet varas Norgga šibitbierggu, lasihit jikŋon bierggu oasi Gilde biergodáigái, dárbbu mielde. Dat mearkkaša ahte muhtun biergodáiggit sáhttet oažžut veahá ruškes ivnni, muhto muđui eai leat makkárge eará erohusat, dadjá Nortura gulahallanráđđeaddi Marthine Haugen Petersen Nationenii.
Sivvan dasa lea go eai njuvvojuvvo nu ollu šibihat dán áigodagas jagis.
– Lea dábálaš ahte dán áigge jagis eai njuvvo nu ollu šibihat ja ahte jikŋon šibitbiergu regulerenvuorkkás ja varas šibitbierggu sisafievrrideapmi veahkeha gokčat dárbbu earret eará biergodáigebuvttadeapmái, čujuha Nortura márkanhoavda Hilde-Kari Skarstein.
Lassin dasa ahte bierggu ferte viežžat galmmihanrájuin, de orru čájeheame ahte muhtun oasi bierggus ferte sisafievrridit vai gokčá Norgga márkana dárbbu. Nortura deattuha ahte sisafievrriduvvon biergu ii geavahuvvo dakkár gálvvuide main lea Gilde-mearka. (©NTB)
