Eanaš áhččit ges leat duhtavačča dálá váhnenvirgelobi eriiguin.
Dušše juohke njealját eadni lea duhtavaš dálá váhnenvirgelobi eriiguin, čájeha Bargo- ja čálgodirektoráhta guorahallan man čađahedje Mánáid- ja bearašdepartemeantta ovddas diimmá geasi.
Bealli etniin oaivvildit ahte áhčiin lea menddo guhkes virgelohpi ja goalmmádasoassi sávaše ahte livččii beassat guhkit orrut ruovttus mánáin.
Áhčit gal leat eanet duhtavačča váhnenvirgelobi eriiguin, čállá Aftenposten. 40 proseantta háliidit doalahit dálá ortnega, ja 23 proseantta dáhtoše vel guhkit áhččevirgelobi.
Áhčiidearri ásahuvvui 1993:s. Dalle lei áhčiide juolluduvvon njeallje vahkku virgelohpi. Dál lea áhččevirgelohpi 15 vahkku. Dát sáhttá guhkiduvvot jus váhnemat mearridit ahte áhčči galgá váldit oasi oktasaš earis. Etniin sáhttá eanemusat 31 vahkku virgelohpi. Dat lea njeallje vahkku oanehat go 30 jagi áigi.
(©NTB)
