NAV Mátta-Várjjat čohkke bargoohcciid ja bargoaddiid oktasaš meassuide, ja sávvet bargoohcciid gávdnat barggu ja bargoaddiid bargiid.
– Čavčča stuora bargomeassuide leat bovdejuvvon sihke bargoohccit ja bargoaddit. Bargomeassut lea deaivvadanbáiki gos bargoaddit besset muitalit guđe suorggis sii dárbbašit bargiid, ja bargoohccit fas besset deaivvadit bargoaddiiguin ja gávdnat áigeguovdilis rabas virggiid, čilge NAV Mátta-Várjjat jođiheaddji, Hilde Michelsen, preassadieđáhusas.
Michelsen muitala ahte bargomeassuide servet sihke almmolaš ja priváhta sektora fitnodagat ja ásahusat, ja bargoohccit besset deaivvadit bargoaddiiguin, geat soitet dál juo dárbbašit sin rabas virggiide.
– Bohtet, hupmet bargoaddiiguin ja váldde áinnas mielde moadde kopiija iežat CV:s, lea min ávžžuhus bargoohcciide, dadjá Michelsen.
Bargomeassu lágiduvvo Scandic Hoteallas Girkonjárggas, ja leat nuvttá doalut mat leat rabas buohkaide.
