Bargiidbellodat jienastii heaittihit náhkkeealáhusa Stuorradikki čoahkkimis, muhto manai buhtadusortnega vuostá.
– Bargiidbellodat lea láhkagieldimii ovttaoaivilis náhkkeealáhusa vuostá, ja leat jienastan §1 lágas mii nanne gildosa náhkkeealáhusa vuostá. Dat lea sin oaivil leamaš jahkečoahkkimis 2011 rájes, dadjá Bargiidbellodaga ealáhuspolitihka ságadoalli Terje Aasland.
Bargiidbellodat ovddidii iežas evttohusa §3:i mii nanne rievtti buhtadussii.
– Dán dagaimet go mii meinet ráđđehusa evttohus lea váilevaš. Dađi bahábut ii mannan min evttohus viidásat, dadjá Aasland.
Háliidit stivrejuvvon heaittiheami
– Bargiidbellodat háliida stivrejuvvon heaittiheami náhkkeealáhusas, muhto mii meinet ahte dat ferte geavvat vuoiggalaččat ja albma ládje. Smávva rievdadusat buhtadanortnegis, maid ráđđehusbellodat lea buktán, ii rievdat maidege dás. Olu náhkkeealáhusbargit fertejit eallit eahpesihkarvuođas, ja olusat bohtet massit dás. Ná ii sáhte olbmuid gieđahallat, dadjá Aasland.
