– Mii ballat ahte mánát geat dárbbašit veahki, ožžot vel váddásat geasi go muđui, dadjá Randi Hagen Eriksrud Av-og-til searvvis.
Álbmotdearvvašvuođainstituhta dieđuid mielde leat 290 000 mánás váhnen geas lea gárrenmirkováttisvuohta dahje psyhkalaš gillámuš mii lea nu duođalaš ahte čuohcá árgabeaivvi doaibmamii.
– Olusat eai beasa nu olu ovttastallat áhkuin ja ádjáin, ja kránnját ja skihpárat doalahit gaskka. Dalle šaddet unnit ollesolbmot geat oidnet mii geavvá, ja unnit oadjebas ollesolbmot olámuttos mánáide geat dárbbašit veahki, dadjá Eriksrud.
