Guokte guorbmebiilla vudje oktii mánnodat eahkeda E6 geainnus Sáltoduoddaris.
E6 geaidnu Sáltoduoddara badjel giddejuvvui go guokte guorbmebiilla vudje oktii mánnodaga maŋŋi eahkeda. Mearridedje jođánit ahte galgá leat 300 mehtera sihkarvuođagaska eará biillaide, danne go nuppi guorbmebiillas lei propangása ja balle dan sáhttit golgagoahtit.
Guoros
Dakka maŋŋel duođaštedje ge Sálttu politiijaguovllus ahte lea golgan gása.
– Dát lei álgodiehtu mis, muhto lihkus ii doallan dat deaivása. Lei propangásatáŋkkas sáhka, muhto čájehuvvui ahte lei guoros, dajai operašunjođiheaddji Bo Nilsson Nordlys aviisii.
Dálkkáskii
Muhto lihkohisvuođabáikkis lei gal olu diesel golgan. Máŋgačuođi lihttara diesela geahččaledje nu bures go sáhtte rádjat eret báikis. Go rahpe geainnu maŋŋel dán dáhpáhusa, ii lean guhká ovdal fas giddejedje geainnu Sáltoduoddara badjel. De ges dálkki geaži.
Dán lihkohisvuođas ii lean olbmuide šaddan mihkkege, muhto fievrrut gal billahuvve bures, muitaledje politiijat.
