Politiijat leat sihkkarastán varraiskosa biilavuoddjis.
Romssa politiijaguovlu čállá Twitteris ahte lágidedje promillebearráigeahču Dálusvákkis, Gáivuona suohkanis.
– Muhtin biilavuoddji balahuvvo vuodján gárrenoaivvis. Politiijat leat sihkkarastán sus varraiskosa, muitalit politiijat.
Johtolatbearráigeahčču čađahuvvui gaskabeaivve áigge mannan sotnabeaivvi.