-Almmuhus-
-Almmuhus-
OĐĐASAT Balahit unna­mánáža illa­stuvvon

Balahit unna­mánáža illa­stuvvon

-

-

Politiijat leat áššáskuhttán váhnenguoktá maŋŋel go unnamánáš šattai Davvi-Norgga universitehtabuohccivissui go lei bahuid roasmmohuvvan.

– Mánná gii lea vuollel guđa mánnosaš, lea buohcciviesus go lea bahuid roasmmohuvvan, ja sáhttá čájehuvvot ahte mánná lea illastuvvon, lohká Romssa politiijaguovllu áššáskuhttinjođiheaddji Elin Norgård Strand NTB:i bearjadaga.

Politiijat dutket ášši vai gávnnahit man sivas mánná lea roasmmohuvvan ja lea go eará čilgehus das. Lei Nordlys gii vuosttažin čálii dán birra. Kripos lea maiddái dutkame ášši, nu go lea dáhpi áššiin mas lea sáhka smávva mánáid illasteami birra. Romssa politiijaguovlu lea maid veahkkin dutkame ášši.

Politiijat bivdet váhnenguoktá bidjot háldogiddagassii go ballet manahit duođaštusaid, čállá NTB.

-Almmuhus-