Álbmotdearvvašvuođainstituhtta lea ožžon dieđu ahte čiežas leat njommon dan hárves bakteriijaid mii gohčoduvvo Salmonella Typhimurium.
Álbmotdearvvašvuođainstituhtta lea ožžon dieđu ahte čiežas leat njommon dan hárves bakteriijaid mii gohčoduvvo Salmonella Typhimurium.
Olbmot geat leat njommon leat gaskal 19 ja 60 jagi boarrásat, ja ásset Finnmárkkus, Møre ja Romsdalas, Sogn ja Fjordanis, Akershusas ja Oslos.
– Iskkadeamit leat dahkkon algogeahčen borgemánu, ja mii jáhkkit eatnašat leat njommon Norggas. Bakteriijas leat seammalágan DNA-profiila buot čiežasis, dadjá Norgga álbmotdearvvašvuođainstituhta seniorráđđeaddi Heidi Lang.
Ossodatdirektevra álbmotdearvvašvuođainstituhtas Line Vold duođašta ahte guovttis daid čieža olbmuin leat Finnmárkkus eret. Son ii hálit muitalit eambo dan guoktása birra, čállá iFinnmark.
Bakteriija ii leat goassige oidnon Norggas
DNA-profiila bakteriijain maid leat gávdnan dan čieža olbmos, eai leat goassige leamaš Norggas, ii olbmos, eallis dahje borramušas, muitala Heidi Lang ja lasiha:
– Dat eanemus dábálaš symptoma salmonellabakteriijas lea luhčadávda, feber ja čoavjebávččas.
Álbmotdearvvašvuođainstituhtta bargá ovttas gielddadearvvašvuođabálvalusan, biebmobearráigeahčun ja šibitdoavtterinstituhtain iskat leat go buhcciin oktasaš njoammungáldu.
Buohccit leat jearahuvvon ja leat váldon iskosat ruovttuin gávdnan dihtii njoammungáldu. Dutkanbargu sáhttá leat moalkái, ja olu áššiin eai boađe nagodit gávdnat njoammungáldu čielggadan dihtii oktasaš njoammungáldu.
– Lea menddo árrat dadjat ahte lea go ráddjejuvvon vai viidána go dát dávda, muhto mii čuovvut dilálašvuođa dárkilit, muitala Lange.
(©NTB)
