Sámediggi lea juolludan 300 000 ruvnno doarjaga Yngve Johansen prošektii.
«Registreret nu ollu sámi báikenamaid Várjjat njárggas go vejolaš» lea prošeakta mas lea ulbmil gávdnat, registreret, govvet ja báddet nu ollu báikenamaid go lea vejolaš gávdnat Várjjat njárggas, nuorta Finnmárkkus.
Báikenamat galget bidjot nehttii, lassin ráhkaduvvo áppa.
– Sámediggái lea dehálaš doarjut báikenammaprošeavtta vai báikenamat Várjjat guovllus seilot boahtte áigái seammás go báikenamaide lea álki oahpásnuvvat áppa bokte, muitala sámediggeráđđi Mikkel Eskil Mikkelsen preassadieđáhusas.
Yngve Johansen lea ovdal registreren sámi báikenamaid sihke Bearalvági- ja Unjárgga gielddas.
Báikenammaprošeavtta lea maid FeFo dorjon.
