Heakkaheađis geahččalit rohingya eamiálbmot báhtareaddjit Bangladeshas, borjjastit šlihtasiiguin Malaysiai.
Unnimus 15 eohingya eamiolbmo leat heavvanan, čállá Asia Times.
Ii oktage dieđe mii lea geavvan dan máŋgalogi rohingyalaččain, maŋŋá go sin šliđas, mii fievrredii badjelmeare olbmuid vuojui, mannan maŋŋebárgga Saint Martin’s Island sullo rittus Bengalgohpis manadettiin Malaysiai.
Rohingyalaččat fertejedje báhtarit Bangladeshii Myanmara riikkas go Myanmar eiseválddit oaguhišgohte sin. Rohingyalaččat háliidit Malaysia riikii go doppe lea muslimat eanetlogus ja seamma osku go sis ja navdet sis lea buoret boahtteáigi doppe.
Bangladesh-mearrasuodjalus dieđiha ahte 12 nissona ja golbma máná heavvanedje. Oktiibuot gádjo 24 albmá ja 46 nissona, muhto 54 olbmo eai gávdnan.
