Geainnuid sálten dagahan stuorra vahágiid boazodollui Ruoŧa beale.
Maŋimus viđa jagis leat badjel 10 000 bohcco vuojáhallon geainnuid sáltema geažil, beali das vuojáhalle Norrbottenis Davvi-Ruoŧas. Jiellevári guovllus ledje 1193 bohcco vuojáhallon maŋimuš viđa jagis, mii lea eanemus lohku.
Lea SVT Sápmi mii ovddemus muitalii ášši birra.
– Maŋimuš mánu go leat sálten E10 geainnu de vuojáhalle badjel 70 bohcco mis, lohká Johan Persson Jiellevári vuovdečearus P4 Norrbottenii.
Geaidnodoaimmahaga jođiheaddji Fredrik Olofsson Norrbottenis lohká geainnuid sálten lea sihkarvuođaáššo johtolahkii.
Dan dieđiha Sámeradion.
