-Almmuhus-
OĐĐASAT Babcockii sáhttá gártat divrrasin

Babcockii sáhttá gártat divrrasin

-

-

Babcock sáhttá gártat máksit stuora rehkega maŋŋel gearggusvuođaheahtedili.

Rehket sáhttá gártat stuorisin Babcockii, maŋŋel go sihke jetgirdi ja suodjalushelikopterat leat ferten veahkkin girdit vai sihkarastet ambulánsagearggusvuođa davvin.

Fertejit gokčat goluid

Klassekampen dieđuid vuođul lea Babcock International mii ferte váldit rehkega dan lassi medisiinnalaš gearggusvuođa ovddas masa stáhta lea bággehallan bidjat doibmii sihkarastin dihte Davvi-Norgga, earret eará Suodjalusa helikoptera bidjat doibmii.

      Dat lea hui čielggas. Visot mii lea gollun, vaikko leat eará oastán dan dahje jus leat stáhta iežas golut, sáhttá Babcock fertet daid gokčat, lohká Aktiv Advokat partner Robert Myhre, gii maid lea almmolaš faláldagaid fágačeahppi.

Nu boahtá maid čielgasit ovdan Babcock ja girdiambulánsabálvalusa šiehtadusas.

Olu dáhpáhusat

Sullii bealli dan 286 nu gohčoduvvon dáhpáhusain mat eai lean sávvon girdiambulánssas maŋemus viđa mánus, leat biddjon doibmii ja máksojuvvon eará sáhtut, earret eará Suodjalusa helikopter ja jetgirdi mii bođii Oslos.

Dearvvašvuođaministtar Bent Høie dajai distaga ahte lea beare árrat lohkat man olu loahppasupmi gártá rehkegis ja gii dan máksá. Babcock International hálddahus ii áiggo kommenteret ášši.

(©NTB)

- Advertisement -
-Almmuhus-